In mem is berne op in nacht
Yn it hûs fan it tsjuster
Oan ’e râne fan ’e tiid
Hoeden socht sy it skaad
In skulp fan stilte
Fier fan ’e wrâld
Fier fan ’e wrâld
In mem is berne op in nacht
Yn it hûs fan it tsjuster
Krekt bûten de tiid
Stadich weakke sy har los
Fan it liif dat har brocht
Fan de faam dy’t se wie
Fan de faam dy’t se wie
En it ferlitten nimfe-lichem
Waarm noch fan libben
Twirret as papier op ’e wyn
In mem is berne op in nacht
Yn it hûs fan it tsjuster
Oan ’e râne fan ’e tiid
Licht har nijberne liif
It moed ferswierre
Mei ivige noed
Mei ivige noed
En it ferlitten nimfe-lichem
Waarm noch fan libben
Twirret as papier op ’e wyn
Stadich krûp ik út myn lichem
Sa’t ik wie lit ik my stean
Myn nije wêzen lit ik droegje
Yn ’e sinne oant ik flean
Lyrics & music: Nynke Laverman // English translation: Judith Wilkinson
